Wednesday, April 6, 2011

Thursday, October 29, 2009

هيباثيا

هيباثيا

حينما يُغتال الجمال تحت اقدام الخرافة

Tuesday, April 7, 2009

رجب طيب أردوغان


  رجب طيب أردوغان

 


 
انا - فعلا - بحترم الراجل ده
تحياتى
Red rose
رفيق قبطان

Wednesday, January 14, 2009

وجع القلب

بتحبينى
حبك الحَب
ووجع القلب
يفضل دايما
رفيق الدرب
يموت القلب
ويحيا الغُلب
ويفضل دايما
ابن الكلب
لالا لا
ده اسمه الحب
حبك الحَب
وعاش الحب
ووجع القلب
وابن الكلب
........
يارب إلى مش بيحب يتملى وشه حبووووووب
:)

Sunday, May 25, 2008

Le7iaphone


Le7iaphone



بمناسبة حلول الذكرى الخمسون لوصول الإخوان المسلمون للحُكم
تتشرف شركة " لحية فون" لخدمات المحمول ان تقدم لجميع عملائها خدمة
ــــــــــــــــــــــــــــــــــــــــــــــ
حدثنى .... جزاك الله خيرا
_________________
مجانا 10 رسائل يوميا ليتمكن أخيك المؤمن من الإتصال بك
برعاية شركة المسواك والمسبحة

وكل عام وانتم بخير

Monday, March 31, 2008

الكنيف الفكرى

الجميع فى مود اللا تدوين
حيث تذهب الأفكار إلى الحمام لا إلى الأوراق
فلا خصَبت عقلا ولا هى سمدت حقلا
ودائما لن تنبت زرعا
.........
ولا أستثنى أحدا
......
لذلك سأحاول الإحتفاظ بأفكارى - وإفطارى بالطبع - داخل رأسى حتى أمنع دماغى من التحلل بعد أن تفنى جمجمتى
....
........
شكرا لكل من أكسد وتأكسد

Sunday, December 30, 2007

في حضرة شوبير ... أحلى أكلة : فينو

في حضرة شوبير ... أحلى أكلة : فينو

(!)

في لقاء جميل جمع الحابل بالنابل وجمع الأنسة بالحامل , تجمع الكثير من البشر لحضور عرض أحد الفرق الغنائية.
وهناك ....

رأيتها
حالة متفردة من الشحم
حالة مسيطرة من السمنة
كميات هائلة من اللحم الحر
حيث لا خصر ... لا خصر
سحرها فى اللا وسط
مهيبة ولها حضور
لن يمكنك تجاهلها مطلقا
أو حتى عدم الإنتباه من الأساس
فقد تفقد عيناك لقاء ذلك كنوع من البطر لذلك النوع من هبات الطبيعة

فالأعمى يراها فى ليلة حالكة السواد على سجادة سوداء
حتى وهى مرتدية الطقم الأسود وقناعها الأسود
(!)


لو رأها كولومبس مثلا
لأعتبرها قارة متفردة بذاتها
ولأطلق عليها اسم
شحميكا
(!)

جرحتنى عندما تبجحت وقالت لى
وحشتنى

صدمت ذلك الذكر القابع بداخلى
فالجرأه والوقاحة والرائحة القبيحة
من صفات الذكر الشرقى
فكيف تتعدى على جرأتى
وتقول لى بمنتهى الوقاحة
وحشتنى

المفترض ان اصرخ انا فى وجهها
وبمنتهى القذارة قائلا
وحشتينى

يجب ان يحتوى الكلام دائما على ياء التأنيث
فيجب ان اكون المتحدث دائما
فأنا شرقى اللمسات

ولكنها لم تطلب أكثر من أن أتحدث
لم تحاول الكلام أصلا
ولذلك فسينطبق عليها قول الشاعر العظيم


لم أطلب منك أن تبقى

ولن أطلب منك اللحظات

ولا حتى نسيم الأنات
ولكنى أدعوك لتتركنى

فى قلبك أطلى الجدران

بمزيج لأحلى الألوان

أن اسمع نفسى بنبضاتك

على صدرك أحلى الألحان
وأموت غريقه فى د
ما

فى حلاوه زهر البستان

وبوركت ليالى الأنس يا شابة ... لأنى ضايع ونفسى أنام



ومعذرة فأن
ا الأن لا استطيع التمسك بأفكارى جيدا
وذلك لوجود اربعة اصابع – فقط – فى قدمى اليمنى
وبطارية سيارتى تنام مبكرا ملتحفة أحلامى بأن ادير سيارتى بدون "زق " كأولاد الناس

لذلك وجب التنبيه على مدى غيظى من السادة

محمر المشوى
وشاكر رمزى القرشاوى

وذلك لتأمرهم على بشكل غير مباشر
وجعلى أقرأ رواية عباس العبد لأحمد العايدى
والتى هى نسخة طبق الأصل من فايت كلب
Fight club
مع شوية قباحة وإفيهات
ولامؤاخذة
يبقى بقى انا من أخد المسمار مش انت يا عم المشوى
يعنى أنا دلوقتى بقيت بطلجى
خدت مسمار ولسة عايش
أتخذوقت ولسة بخير
يعنى أقدر ادخل على المدير بتاعى بدون أذن واجعر وأقولة

تحت أمرك يا فندم

أو اتمرد على على أبويا وأصرخ فى وشة معلننا العصيان قائلا

لو عاوزنى اسكن جانبك بكرة أشوف شقة فى الشارع الخلفى

أو أقف فى مواجهة العالم قائلا له بحدة

حاااااااااضر ..............هسمع الكلام

ولكن نظرا لأنى أمتلك قلبا من ذهب

مما يجعلنى ثريا
وأستطيع أنتقاء الخطيئة المفضلة
فالأغنياء معصومون عادة

ساخبركم بأنى سامحتكم جيدا
لأنى بصراحة عاجبنى جدا السيناريو العبيط بتاع
الولية بتاعة الرقاق والأعور البلطجى
وأرفض بشدة " كلبنة " الناس لشاكر رمزى القرشاوى


وأخبركم أيضا بأنى سألقى بغضبى على
"الأخ المنتمى للحقبة الناصرية "
والذى خلف الميعاد معانا وذلك لزيارة بور سعيد
حتى لا تفوتة قعدة العرب مع شادى ابو أمجد وابو العربى
وذلك لتقسيم شواطىء بورسيعد التى تطل على الأطلسى بالتساوى على الصيادين
(!)
أيوة بورسعيد بتطل على الأطلسى

(!)

والراجل كان رايح يحل المشكلة
يعنى مش رايح يعلب
يعنى مش مهم حفلة وكلام فاضى
وليذهب الجميع إلى الملهى
أما هو- فلامؤاخذة - فبيقسم (!)

ماشى
يعنى انا بردة المفروض أسامحة لأنى – كما أسلف – ثرى وبقلب ذهب
وحنين قوى

طيب لأ
والحياة نفسها فى صفى
وبعتت لى اجمل تعويض فى يوميها
هدية من السما
عارف بعتت لى مين
بعتت لى " الأسمر أبو قلب طيب "
وده احلى حاجة ممكن تقدمها الطبيعة لحد ملكوم زيى
مصدوم من أسرة بكاملها .. خونة
المهم قعدت مع الراجل الجميل ده واتكلمنا وفرفشنا
ومشينا من الساقية للكوبرى – 26 يوليو- فاكره (!)
وأتكلمنا فى كل حاجة ووصلته وروح
والدنيا دوارة

ونرجع بقى للفن وأهله
كانت حفلة هايلة لفرقة إسكندريلا
وأستمتعت بيها جدا ..
وأن كان لى لوم على مديرة الفرقة
"نيفين عبد الحى "
لماذا لما يتم ترديد أغنية سنة حلوة يا جميل للفرقة من قبل الجمهور بعد الحفلة
أنا كنت هعملها بس خفت أقطع عيشك

وسلااااااااااااام








Sunday, November 4, 2007

ثقافة لسان العصفور

أنا خبيرة فى الورد وبحبة مووووت
----------
نوننوس
فتاة فى مقتبل العمر
جميلة - رقيقة - مهذبة
بحبها - وهتجوزها
مثقفة ورقيقة المشاعر قوى- وحساسة وفنانة كمان
-------------
تعالى ندخل محل الواد ده واجيب لك وردة
-----
أنا
حبيت اثبت لها انى قيق المشاعر زيها وبحب الورد
على الرغم من انى ممكن اشترى وردة علشان بس أكلها
!!!!
---------
دخلنا المحل ونقيت ثلاث وردات
صفراء - حمراء - مش عارف لونها
ودفعت الثلاثة جنيهات من دمى متحسرا
وعندما نظرت خلفى وجدتها تنظر إلى رف موضوع عليه الكثير من زهور عصفور الجنة
قائلة فى همس والرقة تفوح من شفتيها
-عارف ايه اكتر وردة بحبها
؟؟؟
سألتها بمزيج من الشغف
- أيه
قالتها وهى تشير بأصبعها الرقيق إلى عصفور الجنة هامسة
- لسان العصفور
!!!!!!!!!!؟؟؟؟؟؟؟؟؟؟؟

Wednesday, October 31, 2007

مش فاهمها

{فَلَمَّا سَمِعَتْ بِمَكْرِهِنَّ أَرْسَلَتْ إِلَيْهِنَّ وَأَعْتَدَتْ لَهُنَّ مُتَّكَأً وَآتَتْ كُلَّ وَاحِدَةٍ مِّنْهُنَّ سِكِّينًا وَقَالَتِ اخْرُجْ عَلَيْهِنَّ فَلَمَّا رَأَيْنَهُ أَكْبَرْنَهُ وَقَطَّعْنَ أَيْدِيَهُنَّ وَقُلْنَ حَاشَ لِلّهِ مَا هَذَا بَشَرًا إِنْ هَذَا إِلاَّ مَلَكٌ كَرِيمٌ}
(31) سورة يوسف
طيب هما أصلا كانوا يعرفوا الملائكة ؟؟؟!!

Monday, October 22, 2007

فهمتها

{يَا قَوْمِ لا أَسْأَلُكُمْ عَلَيْهِ أَجْرًا إِنْ أَجْرِيَ إِلاَّ عَلَى الَّذِي فَطَرَنِي أَفَلاَ تَعْقِلُونَ}
(51) سورة هود

Saturday, October 20, 2007

دعوة للخير

دعوة للخير
مستشفى غاده عفيفى للأنقاذ
بمدينة 6 أكتوبر
الجميع مدعوون للمساهمه فى هذا الوقف الخيرى تعجيلا" للإنتهاء منه والذى هو نواه للأسعاف الطائر فى بلدنا مصر

تستكمل المستشفى
ببطء لضعف التمويل اللازم لأكمالها وتشغيلها !!!.

المستشفى فى أشد الحاجة لتعاونكم
تبدأ القصه الحزينه يوم الجمعه 21 اكتوبر 1988 بعد خمسه ايام فى رحله للمدرسه الالمانيه لمدينه الغردقه أندفع قائد سياره ألمانى الجنسيه فى سرعه جنونيه ليصيب ثمانية أطفال لتتطاير أجسادهم فى الهواء ككرات مذعورة.

حضرت
طائرة هليوكوبتر من ألمانيا لإنقاذ طلابها فقط
و لبطء الأنقاذ وقله الامكانيات والتجهيزات ...

تفيض روح
"غاده محمود سراج الدين عفيفى"
وهى تنزف متأثره بجراحها.
بعد هذا اليوم أصبح العزاء الوحيد " لوالد غاده" ودرء هذه السيئه هو تحقيق نظام للأنقاذ السريع فى مصر

عملا" بقوله تعالى
بسم الله الرحمن الرحيم
وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلاةَ وَأَنفَقُوا مِمَّا رَزَقْنَاهُمْ سِراًّ وَعَلانِيَةً وَيَدْرَءُونَ بِالْحَسَنَةِ السَّيِّئَةَ أُوْلَئِكَ لَهُمْ عُقْبَى الدَّارِ (22)

وقوله تعالى " وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً "
صدق الله العظيم
فقام بعون الله بإنشاء هذا الوقف الخيرى

اهداف الجمعيه
1. إنشاء مستشفى غاده عفيفى للأنقاذ السريع.
2. تقديم خدمات صحيه عاجله للمصابين فى الكوارث.
3. توفير الرعايه الصحيه العاجله عن طريق فريق طبى بواسطه طائره وسيارات إسعاف مجهزه

ولقد تم أختيار مدينه 6 أكتوبر نظرا" لقربها من
· طريق القاهره الاسكندريه الصحراوى
· محور 26 يوليو. وهما الطريقان التى اثبتت الاحصائيات بهما اكبر عدد من الحوادث.
· وكذلك القاهره الفيوم
· وكذلك طريق القاهره/ الواحات
· وطريق 6 اكتوبر /الصعيد
ومازال والد "غاده" يعمل وحده
في صمت و صبر منذ 19 سنه ...
في بناء المستشفى لإنقاذ ضحايا الحوادث
بسم الله الرحمن الرحيم
لِيُنفِقْ ذُو سَعَةٍ مِّن سَعَتِهِ وَمَن قُدِرَ عَلَيْهِ رِزْقُهُ فَلْيُنفِقْ مِمَّا آتَاهُ اللَّهُ لاَ يُكَلِّفُ
اللَّهُ نَفْساً إِلاَّ مَا آتَاهَا سَيَجْعَلُ اللَّهُ بَعْدَ عُسْرٍ يُسْراً)صدق الله العظيم

المستشفى خيري مجاني
وفي أشد الحاجة لتعاونكم

جمعيه غاده عفيفى للأنقاذ .
المسجلة بوزارة التضامن الإجتماعي برقم 1037 جيزه

بنك مصر فرع مدينه 6 اكتوبر - الحى المتميز المجاوره الثانيه (ب)
رقم الحساب: عمله محلية 11/1/176
بنك مصر فرع مصطفى كامل :
رقم الحساب : عمله محليه 10500100013194
عمله حره 1154/180/105

أو إتصل على الدكتور/ محمود سراج الدين عفيفي
0106631049 - 38358529


Friday, October 12, 2007

إفراج والله العظيم ॥ كفارة


رمضان كت
نيههههههههههههههههههه

Sunday, October 7, 2007

فى ذكرى السادات

تحياتى إلى من مات واقفا
رحمك الله يا بطل

Wednesday, October 3, 2007

إلى نفسى بعدما سولت لى



هناك ناس في الحياة نصادفهم ..
ولم يكن فى الحسبان ان تعرفهم ...
يكن لهم فى الصدر مكان القلب ..
يصمتون فنتأملهم ..
يتحدثون فنصمت ...
يفرحون فنسموا ...
يحزنون فنطأطئ الرأس ...
!!!
هؤلاء ليس لهم من شروط النسب شىء ..
ولا من دماء العرق حق ..
ولا حتى يكن لهم من الميراث نصيب ..
ولكنهم يملكون منا ما لايمكله ذوى القربى احيانا ..
يملكون لحظاتنا ..
وخلاجاتنا ..
وارواح لم نكن نعتقد انها ستكون فى داخلنا يوما ما أو حتى ملكا لنا ...


دام لنا أحبابنا
-------------------
على الهامش :
الموضوع ده كان مكتوب لحد بعزه جدا .
بس بعدها لما حبيت اقول كلمة حلوة فى لحظة صفا مالاقيتش أحلى منها جواى علشان أقولها ..
واضح جدا إن الشخص ده نقى جدا لدرجة أنه طلع أحلى ما عندى
لذلك أكرر :
دام لنا أحبائنا

Tuesday, September 11, 2007

رمضان كريم

شاركونى ما أحب من فضلكم

ورمضان كريم

:)

Thursday, September 6, 2007

المعزة العرجاء


في مملكة شعارها الحب والجمال والوئام والسلام والحمامة
فى أنحائها يسود العدل والمساواه والرئيس
عاشت الحيوانات الوزارية فى هدوء
تحت ظل حاميها وراعيها الملك المتوج من قبل الشعب
المختار الذى لا غبار على أمانة أختياره ونزاهة توليه الحكم

يدخل عليه أحد رعيته منحنيا محييا أياه قائلا:-
- السلام عليكم أيها الظربان العظيم ذو الرائحة الكريهة
- السلام عليك أيها الثعلب العفريت
- مولاى اخشى ان أقول لك خبر يغضبك ويعكر مزاجككم الصافى المنعنش
- قول الحق حتى أن أغضبنى ولا تخف .. فشعارنا العدل كما تعلم
- وتعطينى الأمان و حاجة أكلها
- لك ما تريد و ثلاجة 18 قدم !!
- لقد علمنا يا مولاى أن ابنكم الكبير قد تخلى عن أحلامكم فى نشر رائحتكم الكريهة وقام بالإستحمام عدة مرات إلى ان زالت عنه رائحته
- أبن الكلب لقد صبأ .. هاتوووووووووووووه

Monday, September 3, 2007

بدور على حاجة




إكتشفت بعد العمر ده كلة إنى مش عايف نفسى كويس


وأنى مش عايف حاجة خالص


تصورا
والأكتشاف المثير - لى انا طبعا لأنى لا أعتقد فى الإهتمام بالأخر فى هذا الزمن الخرافى - هو انى ما بعرفش أحزن
!!!!
خاااااااالص
!
وحتى لما بعمل كئيب
!
بكون ساعتها بمثل
علشان مبقاش سخيف لو حد صاحبى فى مشكلة
يعنى الهم بيكون قناع ..والتكشيرة لزوم القاعدة
وبكون فى كامل تركيزى ... أعوذ بالله من عنيكم
خمسة وخميسة طبعا
.........
فعلا مش بحزن خالص
ولو حصل فرضا يعنى
بياخد الأمر بحد أقصى 30 ثانية
وأرجع تانى للمسخرة
والله
!
برجع تانى أسخر من السخرية
...

حاسس أنى عامل زى الفقمة
تحدف له الحياه سمكة ياكلها و يصقف
ويهز شنبة ويطلب تانى
وفرحان
!!!
تفتكروا ده نوع من تبلد الأحساس ولا جلدى تخين
ولا أنا كائن فضائى ولا البعيد ما عندوش إحساس أصلا
ولا ربنا خلقنى كده علشان اساعد فى الشدة ولا أيه
؟؟؟


الله أعلم


رجاء أفيدونا


Wednesday, August 22, 2007

مذكرات مؤخرة الرئيس

مذكرات مؤخرة الرئيس
ملحوظة جميع الكلمات المكتوبة بالخط الأزرق نسخة طبق الأصل من مذكرات المؤخرة نفسها

................................
لم أرى وجه سيدى أبدا !!
يتحدثون عن وجهه اللعين أمامى على الرغم من إنشادهم وتغزلهم فى جمال وجهه أمامه !!
يتجاهلوننى تماما وكأنى لست جزئا من سيدى الرئيس .
أكرههم عندما يسبون سيدى أمامى, أحتقر جبنهم ووقاحتهم أمامى ..

هل هذه طبيعة البشر .. يسبون فقط أمام المؤخرات!!
أم هى مشكلة سيدى الرئيس - القوى الظالم - فيتم نفاقه بهذه الطريقة ..
لا أدرى فلم أكن مؤخرة لشخص أخر أبدا ...

يتبع ...

Tuesday, August 14, 2007

عالم فايقة



البروفوسير الألمانى "فولديش فوووش " عمل دراسة - مشكورا - عن النكته وما يجعلها تتسبب فى الضحك ,
من حيث دراسة اسبابها ومفاجئة المستمع والنهاية الغير المتوقعة والصادمة لدى المتلقى واحتوائها على الفاظ جديدة على اذن السامع كل هذا بخلاف أسلوب المُلقى للنكتة ...
والجدير بالذكر أن المعلم "فولديش "تفضل بكتابة نكتة بكل هذه المعايير العملية وفى النهاية لم تُضحك النكتة أحدا ...

عالم فايقة
:)

Saturday, July 28, 2007

ايه الحل

حزين أنا !!
أسكت ؟؟ .. ياكللنى السكات
أصرخ ؟؟ .. أزعج الساكنين
أطير ؟؟ .. جناحى مسكور
أغطس فى الحياة ؟؟ .. نفسى مقطوع
العب فى الجروح ؟؟ .. جبان مقدرش
طيب ألملم الجروح ؟؟ .. مش عاوز
أموت ؟؟ ... ماما تزعق لى
!!!!!

Wednesday, July 25, 2007

بتبسط



بتبسط

بتبسط من حاجات كتير بحسها وبلمسها فى الظلام بس مش بشوفها او حتى بعرفها .
غريب قوى ان احلى حاجات فى حياتك مش بتشوفها .
زىربنا
زي الهوا وزي الحب

غريبة مش كدة !!

يبدو ان أختفاء الشىء دلالةعلى عظمة ذلك الشيء ... وكلما زاد الأختفاء زادت العظمة .

فعلا غريبة

بس فعلا في حاجات كتير بتسعدنى
يمكن سعادة من حولى
يمكن ضحكات من حولى
يمكن العبث في اشياء علا الساكت
أو الدعبسة في حاجات ميوس
أو يمكن نفحة من عطر أمراة من عبير الورد
أو يمكن السر فى ذلك الخاتم المحيط ببنصر يدى اليمنى والذى لا أكف عن العبث فية ممنيا نفسى بأحضان دافئة .. ياريت

يمكن بفرح لفرحى
يمكن بفرح لزعلى لأنى بحس انى جواى شيء لسة قادر يحس
يمكن بحب
يمكن بحس
يمكن هموت

بس الأكيد انى ما زلت أمتلك قلبا ينبض عند نفحات الجمال

Sunday, July 8, 2007

السكون والحركة




هل من الممكن أن يسكن ساكن إلى ساكن


؟؟
هل من الممكن ان يسكن ساكن إلى متحرك
؟؟
هل من الممكن يسكن متحرك إلى ساكن
!!! فى أعتقادى الشخصى ان الأصل هو سكون المتحرك إلى الساكن وليس العكس .. فالساكن غير محتاج إلى السكون الذى يحتاجة المحترك والذى لايمكن أن يعُطى إلا بساكن
!!!
متحرك أنا .. فلمن أسكن
رجل أنا... فلمن أسكن
لزوجة متحركة أم لأم متحركة ؟؟ .. أم لأطفال يحتاجون إلى السكون
....
لماذا حركتم المرأه .. لماذا حركتم الساكن
لماذا حرمتونا من نعمة السكون
لست رجعيا ولا مُتجنى ولا حتى حاد الطباع
...
ولكنى بالفعل فى حاجة إلى من أسكن إلية
...
أعلم انك يا سيدتى نصف المجتمع .. ولكنى النصف الأخر
أعلم أنك عمود المجتمع .. ولكنى أستند عليكى
أعلم انى طفل .. ولكنك الرحم والأحتواء
أعلم أنى الرجل .. ,لكنك الزوجة والأم والحبيبة
...
لماذا قبلتى الحركة ,, لماذا تحركتى
لا أقلل من شأنك ولا أنكر تضحيتك .. ولا أقول ان السكون شيئا هين .. او أن الجميع يقدرون عليه .. بالطبع المتحركون لايقدرون
...
لست برجل دين ... ولكنى رجل
لا أستطيع السكون .. ولكنى أتمناه
!!
اريد أن اسكن إلى الساكن وانا المتحرك دوما
ساعدى مجتمع يحتاج إليك وأسكنى من أجل أعتاب الحياة


...

Thursday, July 5, 2007

لماذا


أكثر الأشياء عرضة للقذارة هى أدوات النظافة
لماذا
!!
؟؟

Sunday, July 1, 2007

تماحيك


أنا عارف أنها بتبصلى من تحت لتحت
عاملة نفسها بتبص فى شاشتها

وعينها أصلا مش بتسمع كلامها وبتبص عليا انا
وكل ما عيونى تيجى فى عيونها

تعمل نفسها بتبص فى أى حتة تانيه !!


فيها أيه يعنى لو كل حد حب حد يروح يقولة فى وشة

أنا بحبك يا عم .. فيها حاجة دى ؟؟
ماتتنيل تقولها بقى .
هو عيب ؟؟؟؟؟!!!

Friday, June 29, 2007

لية



هو ليه الطفل الصغير بيجى له سرطان وحسنى مبارك لأ
طيب هو مش خايف يجى له سرطان
طيب هو السرطان بيعرف الرئيس من عامة الشعب
انا عايف الإجابة طبعا بس قولت أسئلكم

فى البدء كانت اللماضة



ما أنا عايف طبعا

كلمة قالها طفل صغير
عادى
ايه الغريب
بتحصل


وعيال كتير بيقولوها

بس لما أبو الطفل ده يكون له مكان فى قلبك
ويقولك على لماضة الطفل ده
وانت بتحب الطفل ده
وتحترمة كمان لما يكبر
!!
لااااااا ....
يبقى الكلمة دى فى المره دى مش مجرد كلمة عادية
دى كلمة وراها حياة بتكتمل أطرافها
دنيا جديدة بتظهر خلف ستار من العقل

وكمان لما الطفل ده يكبر وانت كمان بتكبر وتلاقى الطفل ده فاهم حاجات كتير فى الحياه انت نفسك مش فاهمها

يبقى تعيد المشوار من أوله
ترجع بعمرك
وتعيش المرة دى صح
وتحاول تفهم الدنيا فى المرة دى صح

ترجع لنفس عمره وتمشى فى نفس طريقه
وتبص للحياة بفضول طفل
وتجيبها من الأول
وتقول وكلك فخ
ر

"ما أنا عايف طبعا"